Skip to content Skip to main navigation Skip to footer

Eebba Gaaddisa Manneen Murtii Aadaa Aanaa Amboo

January 25, 2025 by in Visiting

(Amajjii 17,2017 MMWO,Caffee Araaraa, Finfinnee)-Aanaa Amboo Ganda Boojjii Gabbisaa fi Gusoo Qoraatti Gaaddisni Manneen Murtii Aadaa eebbifmeera. Eebba Gaaddisa Manneen Murtii Aadaa kunneenii  irratti  Pirezidaantiin Mana Murtii Waliigalaa Oromiyaa, Kabajamoo Obbo Gazaalii Abbaa Simalii fi Pirezidaantiin Itti Aanaa Bulchiinsa Mootummaa Naannoo Oromiyaa, Kabajamoo Obbo Awwaluu Abdii argamaniiru.
Kabajamoo Obbo Gazaalii Abbaa Simal sirna eebbaa kana  irratti  haasawa taasisaniin Manneen Murtii Aadaa erga hundaa’anii as hawasni keenya haqa duudhaa Oromoo irratti hundaa’e si’ataa fi  dhaqqabamaa ta’e argachaa jiraachuu himanii hojiin manneen murtii Aadaa cimsuu itti fufiinsaan ni hojjatama jedhan.
Godina Shawaa Lixaa Aanaalee garagaraa keessatti  Gaaddisni Manneen Murtii Aadaa Sadarkaa Jalqabaa fi Oldabarfataa bu’uura aadaa hawaasa naannoon ijaaramaa jirachuu Pirezidaantiin Mana Murtii Olaanaa Godina Shawaa Lixaa Obbo Dabalaa Didhaa ibsaniiru. Sirna eebbaa kana irratti qaamoleen hawaasaa, Abbootii Gadaa fi itti gaafatamtoonni  manneen hojii dhimmi ilaallatu argamanii jiru.