Skip to content Skip to main navigation Skip to footer

Sirna Waliigaltee Mallatteessuu Misooma Moosaajii Manneen Murtii Oromiyaa Dijitaalessuu

Sirna Waliigaltee Mallatteessuu Misooma Moosaajii Manneen Murtii Oromiyaa Dijitaalessuu

(Bitootessa 8,2017 MMWO, Caffee Araaraa,Finfinnee)-Sirna kenniinsa tajaajila abbaa seerummaa teekinooloojiin deeggaramee kennamaa jiru daran cimsuuf gargaaru Manni Murtii Waliigalaa Oromiyaa qaamolee ‘OSTA’,’OTECH’, ‘SMART LINK’fi ‘Ethio telecom’ waliin CCMS Web Based gochuuf sanada BRS and SRS qophaa’e irratti sirna waliigaltee mallatteessuu raawwateera.
Gama Mana Murtii Waliigalaa Oromiyaan waliigalticha kan mallatteessan Pirezidaantii Mana Murtii Waliigalaa Oromiyaa,Kabajamoo Obbo Gazaalii Abbaa Simal sirna waliigaltee mallatteessuu booda haasawa taasisaniin tajaajila abbaa seerummaa hammayyeessuu galmee banuu irraa eegalee hanga dhagaha alaalaa fi odeeffannoo abbaa dhimmaaf tamsaasuutti kan kanaan dura moosaajii gara garaan bitinnaa’ee ture gara tokkotti fiduuf kan dandeessisu ta’uu himaniiru.
Dabalataanis mul’ata manneen murtii Oromiyaa waraqa maleessa gochuf kaawwame milkeessuuf kan gargaaru ta’uus heeraniiru.