Leenjiin Dandeettii Raawwachiisummaa Hawaasa MMWO…

Leenjiin Dandeettii Raawwachiisummaa Hawaasa Mana Murtii Waliigalaa Oromiyaa Cimsuuf Qophaa’e Magaalaa Finfinnee Galma Caffee Araaraatti Kennamaa Jira.

(Bitootessa 6,2017 MMWO,Caffee Araaraa,Finfinnee)-Leenjiin dandeettii raawwachiisummaa hawaasa Mana Murtii Waliigalaa Oromiyaa cimsuuf qophaa’e kennamaa jira.Leenjichi mata dureewwan ‘ Kenna Tajaajilaa’ fi ‘Qajeelfama Madaallii Raawwii Hojii’ jedhu irratti kennamaa jira.Leenjicha irrati argamuun haasawa baniinsaa kan taasisan Pirezidaantii Mana Murtii Waliigalaa Oromiyaa, Kab.Obbo Gazaalii Abbaa Simal, milkaayina gama si’aayina,dhaqqabamummaa fi qulqullina kenna tajaajila abbaa seerummaan argameef dhamaatii fi tattaaffiin hawaasa manneen murtii Oromiyaa ol’aanaa ta’uu himanii milkaayina argame itti fufsiisuufis ta’ee hanqinoota mul’atan furuuf leenjiiwwan dandeettii cimsan akkanaa kana qopheessuun barbaachisaa ta’uu himaniiru.
Leenjicha irratti Hojjattoonnii fi Ofisaroonni Seeraa Mana Murtii Waliigalaa,Dhaddacha Jiddu Galeessaa fi Dhaddachaalee Dhaabbii hirmaataa jiru.